VAJI I SHKRIMTARIT
(Kushtuar atdhetarit dhe shkrimtarit Muharrem Blakaj)
O qiell i amshuar, o tokë me varre
o shkëmb i kuq e troje të kësaj ane,
me jepni fuçi e pak guxim,
të shkruaj me penë e me gjakun tim.
“Misioni sekret” nga këmbë armike
“Thesaret e humbura” nga dorë çetnike
me “Atentate” e vrarë djalëria
mbuluar me gjak po vdes trimëria.
e kthyen “Paraardhësi’n” e babës dovlet
e therin minaret qiellin e shkretë
ti hoqën prangat nga dorë e robërisë
ta pushtuan shpirtin me fije të Turqisë.
Të mbetur jetim në iliri
Të vrarë e të prerë në Dardani
Erdhi “Mëndesha” e na dha gji
Na e mbylli rrugën për ardhmëri.
E vetme pena me mbeti ngatë
një kallamarë e mbushur me gjak
dhe fjala e ëmbël e strukur në gji
mbi Atdhe skalitur; “të dua liri”.
Isa Maloku
No comments:
Post a Comment