ISMET DEMAJ - Këngëtar, hulumtues dhe kultivues i folklorit shqiptar.

           

ISMET DEMAJ - këngëtar hulumtues dhe kultivues i folklorit shqiptar.

Ismet Demaj Lindi me 27.12.1961 në fshatin Shushicë komuna e Istogut, nga babai Ramadan Demaj dhe nëna Serbeze Demaj, shkollën fillore e kreu në Rakosh në shkollën “Ndre Mjeda” ndërsa shkollën e mesme në Istog në gjimnazin “Vllëzërit Ribar”, tani H. Zeka.  Si nxënës në këtë gjimnaz u dallua dhe pothuajse te gjitha aktivitetet kulturore muzikore i kryente me shokët e tij, dhe u bë emër i njohur në komunën e Istogut si këngëtar dhe gëzonte një respekt si nga stafi profesorëve dhe qytetarëve te Istogut.   

Pas përfundimit te gjimnazit Ismeti vazhdoi studimet në UP. dega e fak. Juridik. Si student i dalluar Ismeti mënjihere u kyq në ansamblin akademik te studentëve te UP. Shkolla “Ramiz Sadiku” qe udhëhiqej nga emra te njohur te muzikës profesionale si: Fahri Beqiri, Xhemajli Berisha, Dilaver Kryeziu, me drejtor Agron Shala.  

Aty Ismet Demaj fillimisht ka filluar karrierën në grupin e rapsodëve me: Fatmir Makollin, Salih Berishen, Enver Muratin, Aziz Morinën, Adifete Dalloshi, Elmaza Jashari, grup ky që kudo që prezantohej zgjonte kërshërinë e publikut, dhe Ismeti si emër doli në skenë fuqishëm dhe u prezantua me sukses si në koncerte ashtu edhe në festivale të organizuara në shumë vende të Botës si: në Turqi, Qipro, Kroaci, Francë, Gjermani, Austri dhe në shumë vende të tjera.  

Ja nji foto e ansamblit-akademik, Ramiz Sadiku në Prishtinë. viti 1983.

Ismeti tani më bëri emër në fushën e muzikës, dhe nji ditë në dyert e ansamblit akademik u gjet edhe Qamili i Vogël që i bëri një ofertë për bashkëpunim dhe Ismeti me kënaqësi pranoi ofertën, tani më si antar i rregullt i ansamblit të “Qamilit te vogël” Ismeti me hapa të sigurtë ecte drejt karrierës së tij muzikore, emër i njohur  tashmë ndër trojet shqiptare, grupi i Qamilit të Vogël në mesin e tij i kishte emrat ma eminent të skenës muzikore të asaj kohe si: Shkurte Fejza, Shyhrete Behluli, Nikollë Nikprelaj, Ismet Demaj, Remzije Osmani, Kumrije Biqaj, Selajdin Miftari, Zyle Krasniqi, e shumë emra tjerë të njohur. Në vijim kemi sërish një foto e ansamblit  GRUPI QAMILI I VOGËL  -Viti 1986.

Rendi i burrave: Ismet Demaj, Qamili Vogël, Salih Berisha, Niklollë Nikprelaj-Femrat: Shkurte Fejza, Remzie Osmani, Motrat Selmani, Kumrije Buqaj.

Ismeti nuk ndaloi vetëm në këndim, por ai së bashku me 2 profesorë të njohur, Bahtir Shehollin, dhe Regjep Munishin, që të dy studiues të folklorit, pati një bashkëpunim të ngushtë në mbledhjen e folklorit në rrafshin e Dukagjinit, ku nga babai i tij, Ramadan Xhaf Demaj , së bashku me prof, dr. Regjep Munishin mblodhi të gjithe thesarin e folklorit nga ai, si dhe këngët kreshnike në lahutë që ai i interpretonte tepër bukur dhe të gjitha këto këngë janë të botuara në Institutin albanologjik, dega e folklorit, ku prof dr. Regjep Munishi me këto materiale doktorroi në Francë. Ja një foto e babait të Ismetit i cili ishte edhe frymzuesi i tij për ta dasht folklorin shqiptar.

RAMADAN  DEMAJ - Me Lahutë, foto e nxjerr nga emisioni ‘ARKIVA’ në RTK. Duke kënduar në festivalin e atëhershëm ‘GLLOGOVCI’ në vitin 1979.  Ky pra është babai i Ismet Demajt.

Ismeti ishte një familje muzikantësh me traditë brez pas brezi, i këndonin të gjithë vllëzërit dhe motrat, vëllai Ramë Demaj, i pari kishte përfunduar akademinë e muzikës ne vitet e 70 të. Kjo traditë vazhdon ende sot dhe që të 4 fëmijët e Ismetit merren me profesionin e muzikantit, muzikës, djali i madh Dardan Demaj, ka përfunduar akademinë e muzikës në UP. për klarinetë, ndërsa Arian Demaj, djali i dytë studion akademinë e muzikës drejtimi 'Edukimi Muzikor', po kështu vajza Qëndresa Demaj student e akademisë së muzikës, drejtimi kanto, ndërsa vajza e madhe Serbeze Demaj, muzikën e ka hobi, e cila ka përfunduar fakultetin e edukimit dhe punon si mësuese në Prishtinë.

Ismet Demaj tash e 21 vite zhvillon aktivitete kulturore muzikore në pallatin e kulturës, “Adem Jashari” në Istog i cili udhëheq edhe ansamblin “Selam Kadria” me rreth 80 antarë në 3 gjenerata, që zhvillojnë aktivitet në këtë ansambël, gjenerata e të rinjve, e mesme dhe gjenerata e të moshuarve.

Ansambli “S. Kadria” me në krye Ismet Demjn, ka marrë pjesë në të gjitha festivalet kombëtare duke filluar nga Bajram Curri në Shqipëri dhe deri në Gjirokastër po ashtu dhe në të gjitha festivalet në Kosovë, Maqedoni dhe në Mal të Zi aty ku jetojnë shqiptarët, dhe ka me qindra çmime dhe vende të ndryshme që kanë marrë në këto evenimente kulturore.

Ja një foto tjetër e disa antarëve të ansamblit “Selman Kadria” në Istog.

Antarët e gjeneratës se vjetër të ansamblit “Selman Kadria” Istog.

Gjenerata e mesme e ansamblit “Selman Kadria” në Istog

Në grupin e fëmijëve që ushtron z. Ismet Demaj marin pjese edhe dy vëllezërit binjakë:Yll Beqir Maloku dhe Shkemb Beqir Maloku 

Gjenerata e fëmijëve e ansamblit “Selman Kadria” nga Istogu, të cilët e kanë përfaqësuar Kosovën në Turqi në vitin 2019 dhe morën çmimin e tretë në vallëzim.

Ismet Demaj, nuk i përfundojnë këtu aktivitetet, ai ka edhe një grup prej afro 50 fëmijë që zhvillojnë aktivitet, ja një foto e tij në shënjë mirënjohje respekti për punën e kryer kontributin e tij artistik në gjitha anët ku ka marrë pjesë, e midis tyre spikat ajo e ‘UNIONIT ARTISTIK GJITHKOMBËTAR’ në Shqipëri, nga presidenti i këtij unioni. Z. Azgan Haklaj Tiranë 2020.

Ismet Demaj dallohet për një bashkpunim të ngushtë me të gjithë yjet e estradës mbarëkombëtare, aimerr pjesë në të gjitha evenimentet kulturore edhe si artist, madje dhe “SOFRA E DUKAGJINIT” në Shkodër e ka shpallë qytetar nderi të këtij eventi.

Kjo foto i perket z. SADIK MAXHARRAJ - Antar aktiv i ansamblit "SELMON KADRIA" valltar dhe historian se bashku me atdhetarin e shquar Isa Maloku.

Ismet Demaj, është dhe producent i muzikës i një emisioni televiziv lokal në Istog ‘Tv istoguchannel’, gjithashtu ai është drejtues i një emisioni të vet, që titullohet “Për të gjithë nga pak” - KU ATY EKSKLUZIVISHT PROMOVON DOKET ZAKONET DHE TRADITAT SHQIPTARE.

Ismeti ka të përfunduar edhe master, në fushën ‘ekonomi dhe financa’ dhe aktualisht veprimtaria e tij kryesore është angazhimi i tij në aktivitetet kulturor në shtëpinë e kulturës “Adem Jashari” në Istog.

Mirënjohje ansamblit “Selman Kadria" në Istog ISMET DEMAJ

SHKRUAN PASARDHESI I HEROIT KOMBETAR SELMAN KADRIS

AGRON JASHAR HASANAJ 

AGRON J. HASANAJ  JETON DHE VEPRON NE AMERIKE - Ai  është njëkohësisht edhe sponsorizues i Librit prej Shoqatës së Historianëve të Istogut: "PODGURI NDËR VITE TË HISTORISË" - Nga Shtëpia e Botimit "MESHARI" në Prishtinë - Dardani (Kosove).

***

RESPEKT!

"Pellazget e Fundit Gjuha e Tyre ~ Etimologji", autor Aleksandër Hasanas

"Pellazget e Fundit Gjuha e Tyre ~ Etimologji", autor Aleksandër Hasanas gati për botim.

 

Së shpejti del në qarkullim prej shtëpisë se botimit botimit "Lena Graphic”

Prishtine. Studimi më i fundin me autor Aleksandër Hasanas "Pellazget e Fundit Gjuha e Tyre ~ Etimologji".

 

        Ky punim shkencor dhe filozofik u realizua në saj të një pune të gjatë më shumë se katrevjeçare. Baza e këtij studimi janë e autorët më të njohur, albanologëve të huaj, gjuhëtarëve dhe studiues si Robert Beks, Hjalmar Frisk, Nobert Jokl, Julius Pokorni, Maximilian Lambert, Vladimir Orel, Stuart Mann, Dhimitër Kamarda, Kostandin Kristoforidhi, E. Cabej, Ruzhdi Ushaku, Bardhyl Demiraj dhe e plot studiuesve të tjerë me të cilët do të njiheni gjatë zhvillimit të librit, i cili hap pas hapi do t’ju çojë te të fshehtat, tek bukuria dhe pakrahasueshmëria që përcjell gjuha e lashtë shqipe.

Gjatë këtij eksplorimi përveç rezultateve që do të gjeni nga zbërthimi i thesareve të gjuhës shqipe do të merrni me vete edhe më të bukurën e saj. Botimi që ju keni në dorë mbi gjuhën e lashtë shqipe vjen në mënyrën më të mirë të mundshme nëpërmjet krahasimeve gjuhësore, mbështetur në fjalorë etimologjikë seriozë, realizimeve të autorëve të lartpërmendur dhe studimeve të Institutit të Lartë Gjuhësor, ‘Universitetit të Oxfordit’, atij ‘Cambridge University’ etj.

Për më tepër ky studim merr përsipër dhe trajton kryesisht fjalët ‘kyçe’, të afta për të na çuar në përfundime të sigurta, dhe seleksionim real të teorive manipuluese dhe spekulative të cilat me apo pa dashje përveçse nuk e ndihmojnë gjuhën shqipe e dëmtojnë atë.

Kjo përpjekje e sinqertë e jona ndaj shqipes së mrekulleshme do të ndihet te gjithkush që do të ketë rastin të njihet me këtë botim. Pa sjellë më shumë detaje mbi atë çfarë prezanton në tërësi studimi, me qëllimin e mirë që ato të jenë surprizë për gjithkënd që adhuron gjuhën shqipe, mund të themi se te realizimi i studimit ndihet plotësia e tij dhe vlerat e reja që zbulon.

Në këtë vepër, ju do të gjeni ‘çelsin’ që u jep më shumë mundësi për të kuptuar mbi fjalët e lashta të gjuhës frigje, një gjuhë kjo mbi 9000 vjeçare, ku kemi trajtuar etimologjikisht rreth 150 fjalë të kësaj gjuhe pararendëse dhe aty do shihni se ato flasin qartazi shqip.

Ky studim mbi gjuhën e ‘lashtë-centrike’ të krejt gjuhëve IE, i kryer mbi bazën e të dhënave shkencore dhe zyrtare, të fjalorit Phrygian - nga studiues të njohur dhe institute të larta gjuhësore universitare në shkallë botërore, ku të dhënat për çdo fjalë frigje jepen në gjuhën angleze, e duke pretenduar se ato i përkasin gjuhës greke, ju do gjeni kuptimin e tyre të trajtuara fjalë për fjalë dhe do të shihni se ato flasin qartas shqip.

Gjithashtu në këtë punim shkencor/filozofik do të gjeni deshifrime mbi mbishkrimet e lashta phrygiane dhe etruske dhe po ashtu mbi monedha të lashta ‘Dardano - iliro - Shqiptare’ të shkruara në gjuhën e pellazgut - etërve tanë pararendës.

Pra, studimi sjell për gjithkënd, një rritje-risi dhe progres përsa i përket gjuhës së lashtë shqipe, gjuhës bazë e krejt gjuhëve të quajtura IE. 

Mirënjohje - Respekt! 

 

Autori Aleksandër Gazi Hasanas lindur më 30 Janar 1964 në Butkë, Ersekë, Shqipëri. banues në qytetin e Korçës,  studiues i gjuhës së  lashtë shqipe që prej vitit 2007 në profesion të  lirë, me arsim te mesem. Botues i një vepre më të parë mbi etimologjinë e fjalës shqipe me titull: "Kodi i Gjuhës Shqipe - Etimologji" dhe i mbi 700 artikujve të tjerë në  faqet e internetit, Website të  ndryshme dhe tek gazeta “Rrënjët” me botim në  Itali.  Gjithashtu ka marë pjesë në disa simpoziume të organizuara në Tiranë dhe Vlorë mbi gjuhën e lashtë pellazge. “Pellazgët e fundit, gjuha e tyre - Etimologji” është libri i dytë i tij, me studime kryesisht mbi gjuhën e lashtë  Shqipe - Phrygian/folëse. Aleksander hasanas është edhe përdorues i Wikipedias se lire ku edhe aty ka dhënë kontributin e tij.